Повеќе од 230 учесници од 17 земји во светот викендов ќе се натпреваруваат во двете кола од Светскиот куп во кајак спуст. На 15 и 16 јуни граѓаните ќе имаат можност да проследат професионални спустови на докажани имиња и повеќекратни освојувачи на светски и европски титули.
Организатор на овој спектакуларен спортски настан е Кајак Кану Клуб „Арка Борец Велес“, со поддршка на Општина Велес.
Пред почетокот на спортскиот натпревар ќе се одржи концерт во петок, 14 јуни, во Афитеатарот на Младински парк со почеток во 19 часот.
Извор: Општина Велес
