spot_imgspot_img
spot_img
spot_img
HomeОпштиниГрад Скопје: „YES фестивал во Скопје. Млади европски приказни, млади креативци“

Град Скопје: „YES фестивал во Скопје. Млади европски приказни, млади креативци“

На YES фестивал во Скопје во организација на издавачката куќа „Чудна шума“, се одржуваат многубројни и разновидни креативни работилници со домашни уметници и писатели, како и со гости писатели и илустратори од Словенија и Хрватска. На целонеделниот фестивал покрај музичка програма, промоции на книги за деца и млади на повеќе издавачки куќи, изложби на илустрации од македонски и меѓународни илустратори, ќе има и саемски дел со изданијата кои ќе бидат промовирани на фестивалот. Градоначалничката на Град Скопје, Данела Арсовска го отвори книжевниот и творечки фестивал за деца и млади „YES фестивал! Млади европски приказни, млади креативци“ во МКЦ, со исклучително богата и квалитетна програма креирана за поттикнување на креативноста и слободното изразување кај децата и младите.

Од големо значење е да создаваме можности за младите, каде што тие со својата енергија и креативност, со нивниот иновативен пристап ќе можат да се изградат како носители на културни промени во нашето Скопје, а со нивните дела и творби да поттикнат лична промена кај нивните врсници и останатите членови во нивната околина. Град Скопје континуирано дава поддршка на активностите за развој на креативниот творечки потенцијал на најмладите, бидејќи тие се нашата иднина.

Главната програма се одвива во Младинскиот културен центар до 15-ти јуни на неколку локации, а придружната програма се одвива во книжарницата „Чудна шума“ и во објекти на ЈУ Градска библиотека „Браќа Миладиновци“.

Извор: Град Скопје

Прочитајте

Илинден: Пуштено во употреба спортското игралиште во Миладиновци

0
Општина Илинден со засилено темпо работи на изградба и реконструкција на спортските терени во повеќе населени места. Денеска беше пуштено во употреба спортското игралиште...