Министерството за правда активно работи на изнаоѓање соодветно просторно решение за правосудните институции во Тетово.
Во рамки на оваа иницијатива, беше извршена посета на Основниот суд во Тетово, каде што се одржа средба со претседателот на судот, Хасан Асани, и државниот правобранител за подрачјето Тетово, Ривајет Ајрули.
Иако Основниот суд во Тетово е во одлична состојба, тој се соочува со просторни предизвици кои го отежнуваат неговото секојдневно функционирање.
Констатирано е дека постојните просторни капацитети не се доволни за задоволување на потребите на судот, државното правобранителство, Јавното обвинителство и канцеларијата за пробација на Управата за извршување санкции.
Министерството за правда ги информираше присутните за преземените чекори и иницијативата за презентирање на проблемот пред Владата.
На средбата беа разгледани можни решенија, вклучително и користење на слободни деловни простории во центарот на градот за дислокација на обвинителството и правобранителството.
Министерството останува посветено на пронаоѓање брзо и ефикасно решение за овој просторен предизвик.
Извор: Министерство за правда
