spot_imgspot_img
spot_img
spot_img
spot_img
spot_img
spot_img
HomeОпштиниБитола: Работен состанок за решавање на проблемот со бездомните животни

Битола: Работен состанок за решавање на проблемот со бездомните животни

Градоначалникот на Општина Битола Тони Коњановски, Претседателката на Советот Габриела Илиевска и Директорката на ЈП Комуналец Гордана Наумовска одржаа работна средба со претставници на здруженија за заштита на животните, ветеринари од Битола, како и претставник од Агенцијата за храна и ветеринарство.

Целта на средбата беше да се согледаат мислењата и предлозите за изнаоѓање решение на проблемот со бездомните животни во Битола.

Присутните беа информирани дека, во буџетот на Општина Битола за 2022 година предвидени се средства за подготовка на проектна документација за решавање на проблемот со бездомните животни, а како заеднички заклучок на средбата, беше констатирано дека во претстојниот период работните средби ќе се интензивираат, а јавноста навремено ќе биде информирана за следните активности.

Само со ваков начин на работа и соработка помеѓу сите релевантни субјекти, вклучени во решавањето на овој проблем, заеднички може да се постигне соодветно решение и да се заштитат и животните и граѓаните, беше нагласено на денешната работна средба.

Состојбата со бездомните животни е долгогодишен проблем со кој се соочува Општина Битола, а ова прашање од страна на активисти кои работат на проблематиката, беше покренато и на отворениот ден кој го организираше Градоначалникот Тони Коњановски.

 

 

 

 

Извор: Општина Битола 

Прочитајте

Иуте ја проширува понудата на платежни услуги, лиценцирајќи институција за електронски...

0
Естонската групација Иуте, под чијашто капа работи Иуте Македонија, го проширува својот обем на делување во делот на платежните услуги и издавањето на електронски пари,...