Стручните надлежни служби на Општина Делчево со поддршка на екипи од ЈКП „Брегалница“, ја започнаа акцијата за санирање на оштетената вертикална сигнализација поставена на територијата на градот Делчево во рамки на редовното одржување.
Од увидот на теренот извршен претходниот период беше утврдено оштетување на поголем дел од вертикалната сигнализација, каде на дел од сообраќајните знаци се отстранети спојниците и тие се искривени, дел се откорнати, а дел се излепени со огласи, реклами или исцртани со текст и боја и слично.
Во таа смисла, Општина Делчево апелира до граѓаните да не се уништува и отстранува вертикалната сообраќајната сигнализација бидејќи на тој начин директно се влијае на создавање на потенцијално опасна ситуација во сообраќајот која би можела да резултира со сообраќајна незгода и одредени последици односно се загрозува сообраќајната безбедност.
Извор: Општина Делчево
