Заменик претседателот на Владата за европски прашања Бојан Маричиќ оствари средба со Постојаната координаторка на Обединетите Нации во Република Северна Македонија, Росана Дуџак, на која разговараа за поддршката која канцелариите на координаторката ќе ја обезбедат за спроведување на долгорочен развоен план за земјава во насока на поддршка на процесот на демократизација на Северна Македонија. Исто така во рамки на соработката ќе се поддржи реализација и на други проекти во области кои се во интерес на граѓаните и воедно се во согласност со планираните европски реформи и приближување до европските стандарди. Јакнењето на стратешкото партнерство помеѓу Република Северна Македонија и Обединетите Нации двајцата се согласија дека ќе се реализира преку интензивирана соработка во претстојниот период.
Вицепремиерот Маричиќ на средба со Постојаната координаторка на Обединетите Нации Дуџак
Постојаната координаторка Дуџак изрази задоволство од поставените цели и приоритети на вицепремиерот Маричиќ изразувајќи надеж дека ќе бидат постигнати во претстојниот период и ќе дадат импулс на напредок во приближувањето на земјата кон ЕУ и старт на преговорите со Унијата, посочувајќи дека секое одложување се одразува негативно ине само на земјата, туку и на регионот и самата ЕУ.
Прочитајте
Илинден: Отпочна реконструкцијата на локалниот пат Кадино – Мралино
Градежната експанзија продолжува во Општина Илинден. Деновиве започна реконструкција на локалниот пат Кадино – Мралино, во рамки на програмата за Реконструкција, рехабилитација и изградба...
