Во организација на фондацијата Фридрих Еберт во просториите на Универзитетот Гоце Делчев во Штип се одржа симулација на Енергетски самит, со учество на Претседателот на Владата и учество на економските ресори на Владата.
На оваа симулација присуствуваше и претставник од Министерството за транспорт и врски кој во своето излагање ги образложи мерките и проектите што ги реализира Министерството во насока на заштита на животна средина и во процесот на декарбонизација.
„Клучно за ефикасна енергетска транзиција е квалитетната инфраструктура. Министерството за транспорт и врски преку голем број проекти ја гради, модернизира и подобрува патната и железничката инфраструктура во земјата. Вложуваме преку 1 милијарда евра во изградба на патната мрежа и преку 620 милиони евра за изградба на железничката мрежа. Исто така, високо на нашата агенда е и гасификацијата, како начин да се замени енергијата од фосилните горива и која ќе придонесе за значително намалување на аерозагадувањето.“ – изјави Братољуб Шурлановиќ, службеник за млади при Министерството за транспорт и врски.
Министерството за транспорт и врски дава поддршка на ваквите проекти и настани кои имаат за цел подигнување на свеста кај младите за нивното учество во креирањето на развојни политики.
