spot_imgspot_img
spot_img
spot_img
spot_img
spot_img
spot_img
HomeМинистерстваМТСП: Родовиот концепт во буџетските политики придонесува мажите и жените да бидат...

МТСП: Родовиот концепт во буџетските политики придонесува мажите и жените да бидат еднакви

Министерката за труд и социјална политика Јованка Тренчевска се сретна со пратеничките од Парламентот на Република Таџикистан. Студиската посета е во рамки на „Размена на добри практики за вклучување на родовата перспектива и зајакнување на улогата на жените во Парламентот на Северна Македонија“. Средбата се одржа во Ресурсниот центар за кој министерката рече дека е особено горда бидејќи освен во нашата земја има само уште два во светот, во Мароко и Кореја. Министeрката ги информираше пратеничките дека очекува Ресурсниот центар да прерасне во регионален центар за јакнење на капацитетите за креирање на родови политики и родово одговорно буџетирање, на земјите во регионот и пошироко. Таа посочи дека целта на Министерството за труд и социјална политика е да воспостави систем кој успешно ќе ги решава прашањата кои се однесуваат на родово – сензитивни теми.

 

„Наша примарна цел е внесување на родовиот концепт во буџетските политики на Владата на Република Северна Македонија и креирање на родово сензитивен буџет, од кој бенефит подеднакво ќе имаат и мажите и жените во Република Северна Македонија. Родово одговорните буџети се клучни за создавање на  еднакви можности  за жените и мажите. Единствен начин да покажеме дека нашата заложба за родова еднаквост е вистинска, а не декларативна е буџетите да станат родово одговорни“, рече министерката Тренчевска.

Пратеничките од „Алијансата на пратенички во Таџикистан“, информираа дека улогата на жената во нивното општество секојдневно се зајакнува и дека сега имаат две жени – министерки, пет градоначалнички, и 17 пратенички од 63 пратеници во парламентот.  Тие се интересираа и за бројот на вработени жени во државниот и во приватниот сектор во нашата држава, но и за законските решеија со кои Република Северна Македонија ја унапредува положбата на жената.

 

 

 

Извор: Министерство за труд и социјална политика 

Прочитајте