Заменик претседателот на Владата задолжен за европски прашања, Бојан Маричиќ беше гостин на ифтарска вечера во друштво на почитуваниот претседател на Големото народно Собрание на Турција, Мустафа Шентоп, а на покана на претседателот на Управниот одбор на Меѓународниот Балкански Универзитет, Реџеп Сулејман Оздил.
– Деновите на рамазански пости се потсетник дека милосрдието, почитта, солидарноста, добрината, љубовта и простувањето се вредности кои треба да ги почитуваме и кои не обединуваат и сплотуваат како народи, рече вицепремиерот Маричиќ.
Тој додаде дека само заедно, во духот на овие вредности, можеме да изградиме подобра иднина.
Градењето „едно општество“ за сите, кое ги прифаќа различностите како богатство, е можност секој еден народ со својата култура и вера да придонесува во градењето на нашата земја и да покаже дека Северна Македонија им припаѓа на сите, дека сите заедно работиме да ја направиме уште подобро место за живеење, истакна Маричиќ.
