Согласно Решението за објавување јавен повик бр. 1-529/2 од 01.04.2022 година, Националната агенција за европски образовни програми и мобилност објави Јавен повик за фото-натпревар со наслов:
„Сподели ја твојата „зелена“ фотографија и освој награда“
Согласно годишната работна програма на Националната агенција за европски образовни програми и мобилност (Национална агенција) на програмата Еразмус+ и во контекст на Европската година на младите (2022) по одлука на Европската комисија, како и исполнувње на целите од истата, беше организирана наградна игра на тема „Сподели ја твојата „зелена“ фотографија и освој награда“.
Темата е фокусирана на т.н.. Зелен Еразмус бидејќи тоа е еден од четирите главни приоритети на програмата Еразмус+ за програмскиот период 2021 – 2027 година при што главниот акцент и услов беше ставен на фотографии кои приоретизираат моменти на „зелени“ активности и навики на младите од 18 до 29 години.
Јавниот повик траеше заклучно со 27.04.2022 година до 23:59 часот. Комисијата за селекција и рангирање согласно наведените критериуми во јвниот повик спроведе евалуација на пристигнатите апликации при што согласно бодувањето според утврдените критериуми, добитници на првите три награди се следните лица:
1. Елена Гребенакова
2. Искра Талевска
3. Сандра Здравковска
Им честитаме на добитниците. Истите ќе бидат повикани во просториите на Националната агенција да ги подигнат своите награди.
Националната агенција за европски образовни програми и мобилност и во следниот период посветено ќе продолжи со активности кои ја промовираат “зелената” агенда како еден од клучните приоритети во програмата Еразмус+ 2021-2027 година.
Линк од јавниот повик:
https://na.org.mk/News/NewsDetails/108
Извор: Национална агенција за европски образовни програми и мобилност
