Плановите за понатамошно спроведување реформи преку дигитализација, достапни е-услуги за граѓаните, зајакнување на институциите и борба против корупцијата, беа меѓу темите на работната средба меѓу министерот за дигитална трансформација Стефан Андоновски и амбасадорот Килиан Вал, шеф на Мисијата на ОБСЕ.
Министерот Андоновски му се заблагодари на амбасадорот Вал за долгогодишната помош и поддршка на Мисијата на ОБСЕ во сите процеси што се одвиваат во нашата земја.
,,Со организацијата за безбедност и соработка и во иднина преку партнерски процес, ќе спроведуваме заеднички активности во насока на исполнување европските стандарди и стратешките приоритети во однос на дигитализацијата“, порача министерот Андоновски.
