Контролите на Управата за јавни приходи за даночна усогласеност продолжуваат и во септември кај објектите на отворено.
Изминатиот продолжен викенд УЈП направи 20 контроли кај деловни субјекти кои продавале производи и услуги на отворено односно на манифестациите Егзит во Струмица и Тиквешки Гроздобер во Кавадарци.
Од извршените контроли кај 5 даночни обврзници утврдени се неправилности кои се однесуваат на неиздавање фискални сметки и не водење книга за дневен финансиски извештај.
Управата за јавни приходи пред одржување настани на отворено одржува работни средби со учесниците кои закупиле штандови на настаните и им посочува на почитување и усогласување со даночните закони.
Работните средби со исто темпо продолжуваат и понатаму.
Извор: Управа за Јавни Приходи
