Министерот за дигитална трансформација Стефан Андоновски оствари работна средба со амбасадорката на Кралството Шведска Н.Е. Ами Ларсон., на која се разговараше за продлабочување и унапредување на соработката.
Министерот Андоновски и се заблагодари на амбасадорката Ларсон, со оглед дека Шведска е еден од најголемите пријатели и силен поддржувач на нашата земја на патот кон пристапување во ЕУ.
Тој ги потенцираше силните заложби за сеопфатна примена и развој на дигитализацијата за доброто на граѓаните, спроведување на реформи и исполнување на поставените цели, што неизбежно ќе не приближи до европските вредности и стандарди.
Во таа насока, Андоновски ги претстави тековните и актуелни проекти на Министерството, вклучувајќи ја изработката на Националната ИКТ стратегија, чиишто активности засилено се одвиваат.