Агенцијата за финансиска поддршка во земјоделството и руралниот развој ја известува јавноста дека по објавениот јавен повик 12/2023 за мерка 213 Помош за зачувување на руралните предели и нивните традиционални карактеристики од Програмата за финансиска поддршка на руралниот развој исплати средства во износ од 12.707.228,00 денари кон 35 корисници надомест на трошоци за чување и напасување на добитокот на пасиште.
.jpg)
Агенцијата за финансиска поддршка во земјоделството и руралниот развој денес изврши исплата кон 815 лица со вкупен износ 12.361.097,00 денари за мерката Органско производство за 2022 година.
Корисници на оваа мерка се земјоделските стопанства кои пријавиле сертифицирано растително и сточарско производство и производство во преод согласно Законот за органско земјоделско производство или пак имаат земјоделски површини кои се наменети за зелено ѓубрење или угар во плодоред кој е во функција на органското производство.
Корисници на оваа мерка се и земјоделските стопанства/откупувачи и трговци запишани во Регистарот на откупувачи на земјоделски производи кои имаат произведено преработки од примарни земјоделски органски производи или производи во преод од домашно потекло или имаат извршено доработка и пакување на самоникнати видови со органско потекло и истите ги имаат продадено или пак вршат трговија или извоз на свежи и преработени органски производи и органски производи во преод од домашно потекло.
Висината на дирекните плаќања за преработка на органски производи и органски производи во преод од домашно потекло се во висина од 10% од вредноста на производот со максимален износ до 150.000 денари по оператор.
Висината на дирекните плаќања за трговија или извоз на свежи и преработени органски производи и органски производи во преод од домашно потекло се во висина од 5% од вредноста на производот со максимален износ до 150.000 денари по оператор.
Висината на директните плаќања за стручна контрола и сертификација изнесува 50% од трошоците за добиен сертификат издаден од овластеното акредитирано тело.
Директните плаќања за анализа на својства на почва и производ кај земјоделски стопанства кои имаат извршени агрохемиски , педолошки или анализи на остатоци од пестициди и тешки метали и други материи на почва и во органски производи во 2022 година ги покриваат трошоците за анализите во висина од 70%, но не повеќе од 9.000 денари по земјоделско стопанство.
Корисници на оваа мерка се и земјоделски стопанства кои имаат земјоделски површини кои се наменети за зелено ѓубрење или угар во плодоред кој е во функција на органското производство. Висината на директните плаќања за оваа мерка изнесува 3.500 денари по хектар.
За добивање на финансиската поддршка корисниците имаат обврска да достават договори со овластени акредитирани тела за вршење на стручна контрола во органското производство, фотокопии од сертификат за извршена стручна контрола од страна на овластеното акредитирано тело, финансиски документи за продадени производи на домашен пазар или царинска декларација за извоз, платени фактури за стручна контрола и сертификација како и извештаи од лабаратории за извршените анализи.
Извор: Агенција за финансиска поддршка во земјоделството и руралниот развој
