spot_imgspot_img
spot_img
spot_img
HomeМинистерстваМЖСПП: Шест нови закони од областа на управувањето со отпадот кои се...

МЖСПП: Шест нови закони од областа на управувањето со отпадот кои се во собраниска процедура

Виртуелна работилница за единиците на локалната самоуправа, на тема Управување со отпад, се одржа завчера, како дел од редовните активности на МЖСПП за соработка со единиците на локалната самоуправа. На истата беа презентирани шесте нови закони од областа на управувањето со отпадот кои се во собраниска процедура.

Според заменик министерката за животна средина и просторно планирање Христина Оџаклиеска, се очекува овој пакет на нови закони да доведе до подобрување на состојбата со управувањето со отпадот во Р.С Македонија и со доследна примена на новото законодавство на кое МЖСПП работеше во изминатите четири години, да се овозможи реализација на прeдвидените активности.

Раководителот на секторот за отпад при Управата за животна средина ги презентираше планските документи и предлог текстовите од законите, претставувајќи ги новите национални цели, активностите со кои е предвидено да се постигнат целите и планираните новини за единиците од локалната самоуправа.

Посебен акцент беше ставен на одредбите од новите закони за обврските кои произлегуваат за овластените инспектори за животна средина и комуналните инспектори на општините, општините на Градот Скопје и Градот Скопје.

Извор: Министерство за животна средина и просторно планирање 

Прочитајте

Јегуновце: Работна посета низ повеќе населени места

0
Градоначалникот на општина Јегуновце беше на работна посета низ повеќе населени места во општина Јегуновце каде направив увид на започнати проекти: Во завршна фаза е...