spot_imgspot_img
spot_img
spot_img
HomeМинистерстваМФ: Голем потенцијал за продлабочување на економската соработка со Грција

МФ: Голем потенцијал за продлабочување на економската соработка со Грција

Економската соработка со Грција има голем потенцијал за проширување, што може да биде поддржано и преку потпишување меѓудржавни договори за заштита на инвестициите и избегнување на двојното оданочување. Ова беше дискутирано на протоколарната средба помеѓу министерот за финансии, Фатмир Бесими и амбасадорот на Грција во земјава, Русос Кундурос.

 

Република Северна Македонија и Република Грција немаат склучено Договор за одбегнување двојно оданочување. Годинава, двете земји разменија модел на договорот и во тек е разгледување на содржината на одредбите на грчката верзија на договорот.

Исто така, двете земји немаат Договор за поттикнување заемна заштита на инвестиции. Потпишувањето ваков документ, за што има интерес од нашата страна, може да даде поддршка за раст на инвестициите помеѓу двете земји.

Приливот на странски директни инвестиции од Грција во последните 10 години изнесува 130,3 милиони евра (или 4,4% од вкупните СДИ во земјата). Грција е еден од нашите најголеми трговски партнери, но има потенцијал за продлабочување на соработката. Од почетокот на годината, односно периодот јануари-април, извозот во Грција изнесува 55,2 милиона евра, што е раст за 7,3% во однос на истиот период лани. Кај увозот е забележан раст од 20,5% од почеток на годината, односно од јануари до април увезена е стока во вредност од 188 милиони евра.

Извор: Министерство за финансии

Прочитајте

Градоначалник Манчев: Од 2021 година си поставив за цел да го...

0
1. Какви реформи се случуваат во општинската администрација во Босилово? Реформите во делот на администрацијата се случуваат со законски измени или дополнувања на законите на предлог на Владата...