По добивањето коментари и сугестии од дебатата за Националната стратегија за ИКТ, се подготвува информацијата за следната владина седница, најави министерот Шаќири.
Иднината на нашето општество е тесно поврзана со технологијата, затоа паралелно со процесот на дигитализација се грижиме и за сајбер безбедноста, вели Шаќири.
Министерот Шаќири нагласува дека ќе се зајакне улогата на Националниот Центар за одговор на компјутерски инциденти МКД-ЦИРТ, како дел од Дигиталната агенција, која ќе се формира преку нацрт -законот подготвен од МИОА.
Овој Центар ќе биде координатор на сите други локални центри и ќе работи во рамките на другите клучни институции во Република Северна Македонија.
Вреди да се спомене дека во соработка со Министерството за образование и наука подготвуваме нацрт -проект кој ќе има за цел да ја зачува хигиената и сајбер будноста и да ги заштити учениците и децата од сајбер напади, ја затвора неговата објава Јетон Шаќири.
Извор: Министерство за информатичко општество и администрација
