spot_imgspot_img
spot_img
spot_img
HomeПолитички партииСо поништувањето на јавниот оглас, Арсовска спречи вработување на 20 пожарникари во...

Со поништувањето на јавниот оглас, Арсовска спречи вработување на 20 пожарникари во Град Скопје

Почитувани граѓани, почитувани новинари,

Данела Арсовска го поништи огласот со кој требаше да се вработат нови 20 пожарникари во Бригадата за противпожарна заштита на Град Скопје.

Овој однос на деструктивната Арсовска е против интересите на граѓаните на Град Скопје и на штета на Бригадата за противпожарна заштита.

Очигледен е недостигот од пожарникари во Град Скопје, дополнително, работните позиции се празнат и со редовното пензионирање, со што се зголемува потребата од нов млад кадар во Бригадата за противпожарна заштита.

Но очигледно тоа не и е важно на Арсовска, која заради лични каприци поништува јавен оглас кој беше на крајот од процедурите и со кој требаше да се вработат 20 нови пожарникари.

Во изминатите четири години Град Скопје, раководен од Петре Шилегов и СДСМ, сериозно инвестираше во унапредување на условите за работа на пожарникарите.
Платата на пожарникарите се покачи за 20 отсто, а се инвестираше во нова современа опрема за поголема заштита и поефикасна работа на пожарникарите.

Со ваквиот однос деструктивната Арсовска дејствува опасно кон Бригадата за противпожарна заштита и ја загрозува општата безбедност во Градот.

Арсовска уште еднаш го покажа своето режимско лице, работејќи исклучиво за лични и партиски интереси и против интересите на граѓаните на Скопје.

 

 

 

 

Извор: СДСМ

Прочитајте

Јегуновце: Работна посета низ повеќе населени места

0
Градоначалникот на општина Јегуновце беше на работна посета низ повеќе населени места во општина Јегуновце каде направив увид на започнати проекти: Во завршна фаза е...