Министерот за правда, д-р Никола Тупанчески оствари средба со претседателот на Советот на јавните обвинители на Република Северна Македонија, Антонио Јолевски.
На средбата се разговараше за приоритетните прашања во врска со подготвување на нови насоки за имплементација на Етичкиот кодекс за јавни обвинители и останатите подзаконски акти кои се во надлежност на Советот, а беа разменети и мислења за поефикасно работење во полза на реафирмирање и зајакнување на улогата на Советот на јавни обвинители.
Во таа насока, се разговараше и за подобрување на квалитетот и достапноста на податоците и информациите преку воспоставување на уредени и јасни процедури во делот на јавноста во работењето со јавно објавување на сите одлуки кои ги носи Советот особено за избор, унапредување, оценување, дисциплинска одговорност, разрешување, анализи, заклучоци, извештаи и соопштенија на веб порталот на Советот.
Извор: Министерство за правда
