Во чест на трагично загинатиот припадник на безбедносните сили кој беше член на фудбалскиот клуб „Бунарџик“, на фудбалското игралиште во Бунарџик, се одржа традиционалниот меморијален турнир на кој учествуваа 13 екипи од сите населени места на општина Илинден.
Првото место на турнирот го освои екипата „Роберт Петковски“ која во финалето со со 6:3 ја победи екипата на Мралино. Во натпреварот за третото место екипата на Ајватовци ја победи екипата на припадниците на специјалната единица „Волци“.
Годинава се одбележуваат 21 година од смртта на Роберт Петковски, кој како припадник на Армијата на Македонија, трагично загина во Вејце во 2001 година.
Извор: Општина Илинден
