Министерот за информатичко општество и администрација Адмирим Алити учествуваше на ,,Меѓународната регулаторна конференција 2022“, во Охрид, во организација на Агенцијата за електронски комуникации(АЕК).
Во своето воведно обраќање, министерот Алити ја истакна важноста од соработката меѓу владините институции, академската заедница и приватниот сектор и говореше за потребата од соработка меѓу државите, за успешно спроведување на процесите.
Дводневната конференција се одржува под слоганот: ,,Предизвици кон гигабитното општество“, и овозможува широка платформа за конструктивни дискусии меѓу учесниците и сите засегнати страни.
Учесниците имаат можност да разменат искуства и да дискутираат за современите технологии и новите трендови. Меѓу темите за коишто се разговара, се тековните состојби на пазарот, регулатори, анализи и предизвици во однос на роаминг услугите, 5г технологија, сајбер безбедност и безбедносни стратегии, широкопојасен интернет.
Извор: Министерство за информатичко општество и администрација
