На 16.11.2022 година на маргините на Заедничкиот унгарско-македонски економски комитет, државниот секретар на Министерството за образование и наука на Република Северна Македонија, Анета Трпевска и државниот секретар за енергетика и безбедносна политика на Министерството за надворешни работи и трговија на Унгарија, Péter Sztáray, го потпишаа Меморандумот за разбирање меѓу Министерството за образование и наука на Република Северна Македонија и Министерството за надворешни работи и трговија на Унгарија во рамки на Програмата Стипендиум Хунгарикум за перодот од 2023 – 2025 година.
Унгарската страна, во рамки на Програмата Стипендиум Хунгарикум доделува годишно по 20 стипендии за кандидати од Република Северна Македонија за редовни додипломски, магистерски и докторски студии на државните универзитети во Унгарија.
