Со мојот стоматолог сме одличен тим, заедно работиме за подобрување на оралното и за севкупното здравје!
Добрата хигиена, редовните прегледи на забите и здравиот начин на живот ни помагаат да бидеме здрави. Ова беа дел од пораките на денешното предавање на министерот за здравство, д-р Беким Сали пред учениците од Основното училиште „Братство“.
Дел од предавањето беше посветен и на правилното четкање на забите, здравата исхрана и други совети за заштита на оралното здравје, што е клучно за оваа возраст.
Извор: Министерство за здравство
