Градоначалникот Александар Стојкоски присуствуваше на час во ООУ „Страшо Пинџур“ во три класа од 4-то одделение и еден клас од 3-то одделение кои учеа за работата на општината.
Децата споделија со Стојкоски одлични идеи и беа доста информирани во однос на работата на локалната самоуправа.
-Во училиштето во кое јас го поминав моето основно образование секогаш ми навираат убави спомени од детските денови. Сега, од позиција на градоначалник, заедно со мојата администрација, а во соработка со директорите, правиме секојдневни напори за подобрување на состојбите во образовните институции – им се обрати Стојкоски на присутните.
Нашите деца се наши идни амбасадори и наша гордост, додаде Стојкоски, и нема дилема кога станува збор за нивното подобро секојдневие.
-Имаме проекции на одлични проекти и продолжуваме во насока на реализација на целите во областа на образованието – подвлече градоначалникот.
Извор: Општина Ѓорче Петров
