Министерот за информатичко општество и администрација Азир Алиу организираше брифинг со новинарите, со цел на транспарентен начин да ја информира јавноста за приоритетите, политиките и клучните активности во Министерството што го предводи.
Меѓу другото се осврна на процесот за реформи во јавната администрација, кој е важен предуслов за интеграција на земјата во ЕУ:
,,Наскоро ќе бидат изгласани законите за реформи во јавната администрација, кои се чекаат со години. Законот за вработени во јавниот сектор и Законот за административни службеници кои наскоро ќе поминат во Владата, имаат за цел да ги подобрат услугите и ефикасноста на јавната администрација во нашата земја. Тие ќе опфатат мерки за обука на вработените во јавната администрација, регулирање на работните односи и модернизација на административните процеси“, истакна министерот Алиу.
На средбата со новинарите, министерот Алиу зборуваше и за Законот за безбедност на мрежни и информациски системи и дигитална трансформација:
„Овој закон, кој е еден од главните столбови и е подготвен во рекордно време, има за цел да ја воспостави структурата и функциите на Дигиталната агенција на Северна Македонија, која ќе се грижи за развојот на дигиталната инфраструктура, безбедноста на информациите. и развојот на јавните услуги и унапредувањето на употребата на технологијата во јавните услуги.
Нашата главна цел е да ги исполниме стандардите и условите за да обезбедиме сигурна иднина во Европската унија, така што работата што се прави во однос на дигиталната трансформација и реформите во јавната администрација е во фокусот на нашата влада“, заклучи Алиу.
Извор: Министерство за информатичко општество и администрација
