Завчера пратениците на Собранието на Северна Македонија гласаа за Техничката влада со мандат за организација и непречено одвивање на изборниот процес.
Министерот за информатичко општество и администрација Азир Алиу и заменикот министер Александар Бајдевски , денеска во канцелариите на министерството го пречека дополнителниот заменик-министер, г-дин Стефан Андоновски.
“Се надевам и очекувам конструктивна соработка во интерес на остварување на целите на МИОА и придонес во реализација на што повеќе активности и проекти во интерес на граѓаните.
Денеска имаше шанса да присуствува на редовниот утрински колегиум каде се запозна со повеќето тековни активности на министерството и самиот се увери со каква посветеност и одговорност кон работата секој еден вработен на МИОА им пристапува.
Во нашето министерство нема никакви поделби ниту привилегии, најмалку по партиска или етничка припадност и тоа е вредност која верувам дека заеднички ќе успееме да ја задржиме и во техничката влада “-рече Алиу.
Извор: Министерство за информатичко општество и администрација
