spot_imgspot_img
spot_img
spot_img
Home@дминистрацијаМИОА: Одржана обука за зајакнување на сајбер безбедноста

МИОА: Одржана обука за зајакнување на сајбер безбедноста

Во рамки на проектот „Добро владеење во областа на сајбер безбедноста во Западен Балкан“, министерот за информатичко општество и администрација Наим Бајрами се обрати на почетокот на  настанот за обука наменета за државните и  јавните службеници во Република Северна Македонија. Настанот е во организација на МИОА, заедно со DCAF – Женевски центар за управување со безбедносниот сектор.

Посакувајќи им на присутните успешна работа, министерот Бајрами ја истакна важноста на ваквите обуки за зајакнување на националните капацитети за справување со сајбер заканите и подобрување на сајбер безбедноста, кои се приоритет за Република Северна Македонија.

,,Секоја обука се состои од неколку теми кои се креирани за одредена целна група и се насочени кон подигнување на нивото на знаење од областа на сајбер безбедноста и соодветно на тоа, подигање на нивото на сајбер безбедност во институцијата“, рече министерот Бајрами, истакнувајќи дека меѓу стратешките цели се: Изградба на сајбер отпорна ИКТ инфраструктура, идентификување и имплементирање на соодветни решенија со цел заштита на националните интереси, Промовирање на култура за сајбер безбедност со цел подигнување на јавната свест и разбирање за сајбер заканите, како и градење и унапредување на потребните национални капацитети за заштита, како и намалување на потенцијалните ризици во сајбер просторот.

 Меѓу темите за обука беа: Пејзаж за сајбер безбедност на Балканот: Преглед на 2023 година и предвидувања за 2024 година, Улогата на ИТ персоналот од јавниот сектор во управувањето со сајбер безбедноста, Сајбер кризи и одговор на инциденти и нагласување на мерките за заштита.

Извор: Министерство за информатичко општество и администрација

Прочитајте

МЗ: Манолева на билатерални средби со министрите за здравство на Словенија...

0
Заменик министерката за здравство, д-р Маја Манолева оствари билатерални средби со министерката за здравство на Република Словенија, Валентина Преволник Рупељ и д-р Шимон Војислав,...