Како и претходните години, така и оваа година започна обуката на административни службеници, кои работат како преведувачи и лектори на албански јазик во нивните институции.
Нив ги пречекаа директорот на Агенцијата за примена на јазикот (АПЈ), Ардијан Муслиу и координаторката на проектот, Шпреса Зеќири Ибрахими, заменик раководител на Секторот за подршка на директорот.
Денешни предавачи беа Ајтен Хајдари-Ќамили, универзитетски професор во Универзитетот „Св. Кирил и Методиј“- Скопје, којa ја презентираше темата „Споредување и анализа на преведени текстови“ и Неби Билали, Државен советник за превод во АПЈ, кој ја презентираше темата „Релевантна лингвистичка терминологија во преводот на службени документи“.
Во обуката што започна денеска и ќе трае неколку недели, вклучени се 54 службеници, меѓу кои и од локалната самоуправа, која е и овогодишната особина, а на крајот од обуката ќе им биде доделен сертификат.
