Министерството за локална самоуправа и ЗЕЛС го потврдија своето партнерство на денешната средба помеѓу министерот за локална самоуправа Златко Перински и претседателот на ЗЕЛС и градоначалник на општина Кисела Вода Орце Ѓорѓиевски.
Главниот заклучок од оваа средба е дека соработката помеѓу двете институции ќе се продлабочува и ќе биде основа за решавање на сите предизвици со кои се соочуваат општините во Македонија.
На средбата се дискутираше за заедничките проекти и иницијативи кои ќе бидат реализирани во наредниот период, како и за приоритетите во локалната самоуправа.
Министерството за локална самоуправа и ЗЕЛС остануваат посветени на својата мисија за подобрување на условите за живот и работа во сите општини, преку ефективна и континуирана соработка.