Прославуваме уште еден голем успех на нашите македонски винарии постигнат на 13-тиот Balkans International Wine Competition and Festival, што се одржа оваа година во две држави Турција и Бугарија.
Како држава докажавме дека имаме со што да се гордееме, дека винскиот сектор го поставивиме на вистинските патеки, а македонското вино го искачивме високо на светската винска карта.
Во силна винска конкуренција со над 1200 вински етикети презентирани од винариите на 16 држави учеснички, македонските винарии освоија вкупно 162 награди.
Трофеј за органско вино освои Винарија Брзанов, Винаријата Лазар освои трофеј за домоделно бело, а трофеј за најдобро регионално вино освои Винарија Илиев. Дополнително македонските винарии на овој натпревар освоија 3 двојни злата, 47 златни медали, 69 сребрени медали и 40 бронзени медали.
Македонски семејни винарии и на овој вински натпревар се покажаа во одлично издание, оправдувајќи ја поддршката која во својот развој ја имаат од државата, освојувајќи 81 награда што е половина од вкупната бројка на наградени македонски вина.
Линк до резултатите од 13-тиот Balkans International Wine Competition and Festival
Извор: Министерство за земјоделство, шумарство и водостопанство
