Премиерот Христијан Мицкоски во објава на Фејсбук истакна дека борбата против корупцијата и организираниот криминал е еден од главните приоритети на неговата Влада. Тој нагласи дека ќе одржи важна средба со министерот за внатрешни работи, Панче Тошковски, со цел да се адресираат овие значајни прашања.
„Испраќам јасна порака. Никој не е над народот, законот и Уставот. Ќе има одговорност за криминалот кој ја уништува нашата заедничка иднина. Таа одговорност мора да биде со име и презиме, без оглед на позадината на лицето“, нагласи премиерот.
Оваа иницијатива на Мицкоски е дел од пошироките напори на Владата за подобрување на правниот систем и зајакнување на довербата на граѓаните во институциите.
Извор: Влада
