Министерот за дигитална трансформација Стефан Андоновски денеска се сретна со амбасадорката на Република Србија, Н.Е. Невена Јовановиќ.
Во фокусот на разговорите беше размената на позитивни практики и искуства поврзани со досегашната успешна соработка, како и идните планови на Министерството во однос на дигиталната трансформација и дигитализацијата како клучен приоритет.
Министерот Андоновски и се заблагодари на амбасадорката Јовановиќ за традиционално добрите билатерални односи и за подготвеноста уште повеќе да се продлабочи соработката со цел да се постигне поголем просперитет за сите граѓани.
Соговорниците заеднички заклучија дека како кандидати за членство во Европската унија, двете земји и понатаму остануваат важни партнери за заедничко градење на напредокот на двете општества.
