Министерот за дигитална трансформација, Стефан Андоновски, во соработка со УСАИД организираше презентација на стратешките приоритети и идни планови на министерството за дигитална трансформација пред меѓународните партнери и меѓународната заедница.
Министерот на потенцијалните проектни донатори им ја соопшти визијата и мисијата на министерството за дигитална трансформација, и им се заблагодари за досегашната поддршка и придонесот во развојот на државата.
“Се заблагодарив за континуираната поддршка која ја даваат на земјата, потенцирајќи ја важноста со која придонесуваат за севкупниот развој. Ја споделив нашата визија за дигитализирана Македонија, која ја гледаме како земја во која дигиталните иновации го зајакнуваат секој граѓанин, ја поттикнуваат борбата против корупцијата, привлекуваат странски инвестиции и поттикнуваат одржливо и правично дигитално општество”, изјави министерот Андоновски.
