Градоначалникот Бобан Стефковски изврши увид на градежните работи за изградба на новата спортска сала во ООУ „Григор Прличев“ во Железара – уште еден значаен капитален проект за нашите ученици.
Со вкупна вредност од 38.200.000 денари и површина од 650 м², оваа спортска сала ќе обезбеди современи услови за спорт, рекреација и правилен развој на младите генерации.
Во првата фаза инвестираме 20.000.000 денари, со јасна цел – да создадеме подобри услови за учење, спорт и воспитување на нашите деца.
Образованието е најсилната инвестиција што можеме да ја направиме, затоа што секој денар вложен во учениците е вложување во подобра иднина за Гази Баба и Македонија.
Продолжуваме со силно темпо да градиме нова и модерна образовна инфраструктура.
Извор: Општина Гази Баба
