Во просториите на Министерството за правда, министерот Тупанчески оствари средба со претставници на Националната Конвенција за ЕУ во Република Северна Македонија (НКЕУ-МК) и тоа: координаторката на Конвенцијата, проф. д-р Милева Ѓуровска, копретседавачот од Европското движење во Република Северна Македонија, Мухамед Халили, координаторката на РГ-3 – Правосудство и фундаментални права, проф. д-р Александра Деаноска Трендафилова и копретседавачката од Министерството за правда.
Националната конвенција за ЕУ претставува платформа која дава можност поширок круг на субјекти од научните и стручните кругови, граѓанскиот сектор и надлежните институции на државата да бидат дел од овој демократски форум за отворен и транспарентен дијалог за прашања поврзани со Пристапните преговори за членство во Европската унија.
На средбата беше потврдена долгогодишната успешна соработка меѓу НКЕУ-МК и Министерството за правда и потврдена заложбата за нејзино продолжување и натамошна поддршка во доменот на реформите и градењето на правната држава, а беше разговарано и за претстојната сесија на РГ-3 која е планирано да се одржи во месец мај, оваа година.
Извор: Министерство за правда
