Според податоците на Државниот завод за статистика, во 2021/2022 година, вкупниот број ученици и студенти сместени во домовите за ученици во основното и во средното образование и во студентските домови изнесува 5516, што претставува зголемување за 46.9 % во однос на 2020/2021 година. Во домовите за ученици што посетуваат средни верски училишта се сместени 150 ученици.
Со годишните извештаи се опфатени 36 домови: домовите за ученици во основните училишта, домовите за ученици во средните училишта, домовите за ученици во средните верски училишта и студентските домови.
Домовите за ученици и студентските домови обезбедуваат сместување, исхрана и воспитание на ученици и студенти кои за време на школувањето се надвор од местото на постојано живеење на родителите/издржувателите.
Извор: Државен завод за статистика
