На средбата на министерот Нуредини со директорот на Агенцијата за туризам Љупчо Јаневски и со претседателот на Федерацијата на планинарски спортови Зоран Читкушев се разговараше за можностите за развивање на планински и еко туризам во државата а особено во заштитените подрачја чија површина во голема мера се зголеми во изминатиот период.
Заштитените подрачја, националните паркови, парковите на природата треба да бидат под одреден степен на заштита, но во исто време начините на живеење и економскиот развој мора да се прилагодат и да се трасираат во правец на обезбедување одржлив развој и просперитет. Присутните се сложија дека заштитените подрачја нудат различни можности за развој на туризмот и во тој правец треба да прилагодиме правната регулатива како и развојните планови.
Извор: Министерство за животна средина и просторно планирање
