Министерството за информатичко општество и администрација ги поканува сите заинтересирани поединци и организации да учествуваат на првата јавна консултација по однос на првата нацрт верзија на Предлог на законот за изменување и дополнување на Законот за аудио и аудиовизуелни медиумски услуги, притоа земајќи предвид дека целта е усогласување на националната правна рамка со Директивата за аудиовизуелни медиумски услуги на Европската Унија и меѓународните стандарди, како и зајакнување на капацитетите на регулаторното тело за соодветно спроведување на новите надлежности и промовирање на саморегулација и корегулација.
Настанот ќе се одржи на ден 13.03.2023 година (понеделник), со почеток од 10:00 часот, во салата на Државната изборна комисија (бул. „Св. Кирил и Методиј“ бр. 54 – зградата на Нова Македонија, на четврти кат).
За учество на настанот задолжителна е претходна регистрација најдоцна до 12.03.2023 година (недела) до 15:00 часот со е-порака на следната адреса за е-пошта:
marija.golabovska@mioa.gov.mk;
slavica.davkovska@mioa.gov.mk;
Задолжителни податоци за регистрација:
1. Име и презиме на учесник и институција/организација која ја претставува
2. Информации за контакт (телефон и адреса за е-пошта).
3. Коментари и забелешки по однос на текстот предмет на расправа (Да, во прилог/Не/Ќе се изложат усно)
Нацрт текстот на Предлог законот може да го симнете од следниот линк:
Поради просторни ограничувања, замолуваме за присуство на не повеќе од еден претставник од институција/организација. Пријавите кои ќе стигнат после наведениот датум и време нема да бидат земени предвид.
Извор: Министерство за информатичко општество и администрација
