Министерот за економија Крешник Бектеши вчера оствари работен состанок со претставници на Асоцијацијата на хотелиери (ХОТАМ).
Главна тема на разговор на состанокот беа мерките и можностите за поддршка кои што ги превзема Министерството за економија и Владата за подобрување на условите во туристичко- угостителскиот сектор.
Министерот Бектеши кажа дека оваа година имаме успешна туристичка сезона, а очекувањата се дека овој тренд ќе продолжи и во наредните два месеци.
“Оваа година имавме успешна туристичка сезона, посебно во охридскиот и струшкиот регион, а тоа го покажуваат и податоците кои се објавени од страна на Државниот завод за статистика каде што има над 40% зголемување на бројот на странски туристи во првите шест месеци годинава, , а согласно сите податоци кои денеска ги добивме од хотелиерите, овој тренд на зголемување на бројот на туристи ќе продолжи и во наредните два месеци“ кажа министерот Бектеши по средбата со раководството на ХОТАМ.
Министерот Бектеши кажа дека веќе се започнати активности во делот на креирање на мерки за поддршка на туристичко-угостителскиот сектор во делот на подобрување на условите за табота на хотелиерите и туристите.
„И токму во оваа насока Министерството за економија и Владата започнаа да изработуваат нови програми се со цел да се помогне на хотелиерството и на државата за подобрување на усоловите со што ќе се поттикне зголемување зголеми бројот на туристи кои би биле позадоволни од престојот и би останале подолго во нашата држава. Тоа размислуваме да го направиме преку Законот за финансиска поддршка на инвестициите каде што една од можностите е да се вклучи секторот угостителство и хотелиерство во вид на директни грантови за дополнителни инвестиции во подобрување на условите“ кажа министерот и додаде дека како можност се разгледува и измена на постоечкиот Правилник за субвенционирање на туристи.
“Исто како начин на поддршка би било и преку измена и дополнување на постоечќкиот Правилник за субвенционирање каде што еден дел од средствата кои се делат од страна на институциите да се насочи директно кон хотелите и со тие средства да се реализираат нови инвестиции“ кажа Бектеши.
Извор: Министерство за економија
