Агенцијата за млади и спорт организираше прием за најдобро рангираниот македонски атлетичар Андреас Трајковски, најсериозниот кандидат за освојување на Олимписка норма.
На средбата освен Андреас присуствуваа и претседателот на АК „ Работнички” Кире Синадиновски, во чиј клуб членува Трајковски, како и Претседателот на Атлетска федерација на Македонија Александра Војнеска Зикова.
-Агенцијата за млади и спорт останува зад сите спортисти чии дострели се претстојните ОИ, и целосно ќе се заложи за финансиска поддршка на реализација на програмата на Трајковски, истакна директорот на АМС Наумче Мојсовски.
Во контекст на целокупниот разговор беше посочен и планот за организација на Џамп Гранд При, кој треба да се реализира на плоштадот Македонија со учество на светски најдобрите атлетски скокачи, за кој Атлетската федерација веќе работи веќе подолго време.
Извор: Агенција за млади и спорт
