Јавен повик за ректори/проректори за учество на активност за обука и соработка
Еразмус+ 2021-2027: Зајакнување на меѓународната димензија во високото образование
„Можности за меѓународна соработка помеѓу Медитеранската мрежа (MedNet) и африканските земји“
04.03.2024 – 07.03.2024
Бен Гурир, Мароко
Националната агенција за европски образовни програми и мобилност во соработка со Националните агенции на земјите од Медитеранската мрежа на Еразмус+ програмата и тоа: Кипар, Хрватска, Франција, Грција, Италија, Малта, Португалија, Србија, Словенија, Шпанија и Турција, организира меѓународна активност за обука и соработка во полето на високо образование.
Во таа насока, Националната агенција објавува јавен повик за учество на 4 учесника за учество на активност за обука и соработка на тема „Можности за меѓународна соработка помеѓу Медитеранската мрежа (MedNet) и африканските земји” во Бен Гурир, Мароко во периодот 04.03 – 07.03.2024 година
Цели на настанот:
Настанот има за цел зајакнување на меѓународната димензија во високото образование преку програмата Еразмус+ 2021-2027.
На семинарот ќе присуствуваат претставници од високообразовните институции (целна група – ректори и проректори) од Медитеранската мрежа, јужно-медитеранските држави и Африка, кои ќе имаат единствена можност да се вмрежат, да создадат партнерства, да споделуваат добри практики и свежи идеи, со цел да се осмислат нови проекти како дел од децентрализираните и централизираните акции во програмата Еразмус+.
Во работната програмата предвидено е да има баланс помеѓу: работните сесии за презентирање и разбирање на можностите што ги нуди Еразмус+ програмата и за претставување идеи за идни проектни апликации, но и социјални и културолошки активности за да им се овозможи на учесниците да се запознаат, да дојдат до идеи за идна соработка и да ги зајакнат интернационалните партнерства.
Очекувани резултати:
Да се зголеми свесноста за можностите што ги нуди Еразмус+ програмата во високото образование, преку информации за децентрализираните и централизираните акции, во кои право на учество имаат јужно-медитеранските земји и универзитетите од африканските земји.
Да се идентификува синергијата помеѓу децентрализираните и централизираните акциии од Еразмус + програмата.
Да се истакне и зголеми потенцијалот за интернационална соработка помеѓу европските земји и земјите од Африка, преку размена на искуства и добри практики.
Да се планираат и креираат предлог-проекти во КА171-Меѓународна кредитна мобилност, како и во релевантни централизирани акции во програмата Еразмус+ 2021-2027.
Целна група: Ректори и/или проректори од универзитетите во Република Северна Македонија
Забелешка: Приоритет при изборот ќе имаат учесници кои не присуствувале на активности на обука и соработка досега
ТРОШОЦИ ЗА НАСТАНОТ:
Семинарот ќе се реализира во периодот од 04.03.2024 – 07.03.2024
(04.03.2024 е ден на пристигнување, 07.03.2024 е ден на заминување)
Принципот на покривање на трошоци е следниот:
- Организаторот (Национална агенција – Грција) ќе ги покрие трошоците за: обука, сместување и соодветен број на оброци.
- Патните трошоци се покриваат од Националната агенција која испраќа учесници (во овој случај НА MK01);
Самиот учесник (индивидуално) учествува со 5% од висината на патниот билет (во вид на: билет за локален транспорт, патничко осигурување и сл.)
Крајниот рок за поднесување на апликации е 10.02.2024 година.
Забелешка: Известени и контактирани од страна на организаторот на активноста за обука и соработка ќе бидат само избраните учесници.
Општи мерки за спречување на корупцијата
Националната агенција за европски образовни програми и мобилност, во постапката за избор на 4 учесника на Активноста за обука и соработка и при извршување на договорите, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.
Доколку постои основано сомнение во врска со корупција во постапката може да пријавите на следната е-пошта: ukazuvaci@na.org.mk и nepravilnosti@na.org.mk.
Извор: Национална агенција за европски образовни програми и мобилност
