Во продуктивна и пријатна атмосфера, министерот за дигитална трансформација Стефан Андоновски и министерот за јавна администрација Горан Минчев одржаа работна средба со вработените.
Целта на оваа средба беше, двајцата министри да се запознаат со вработените од поранешното МИОА и на еден транспарентен начин да ги претстават идните планови на двете нови министерства.
Преку меѓусебна интеракција, вработените имаа можност отворено и слободно да им поставуваат прашања и да ги разјаснат евентуалните дилеми поврзани со работниот процес.
Андоновски и Минчев меѓу другото рекоа дека како и досега, така и во иднина ќе се почитува начелото на професионалност и стручност на административните службеници, нагласувајќи дека секогаш ќе бидат отворени за соработка.
Извор: Министерство за дигитална трансформација и администрација
