На 2 Јули 2024 годиниа, Министерот за европски прашања Орхан Муртезани оствари средба со Амбасадорот на Косово во Северна Македонија, Неговата екселенција Флориан Чехаја.
На средбата се разговараше за билатералната соработка помеѓу двете земји, со фокус на соработката во рамки на ИПА програмата за преку – гранична соработка. Северна Македонија и Косово негуваат одлична соработка во рамки на оваа програма со вкупно 24 заеднички проекти имплементирани во рамки на ИПА 1 и ИПА 2, како и еден заеднички стратешки проект на граничниот премин Белановце – Станчиќ. Говорниците се согласија дека постои одличен капацитет за продлабочување на ваквата соработка во рамки на ИПА 3 програмата за преку – гранична соработка Северна Македонија – Косово преку соработка и заедничко аплицирање за проекти на партнери од двете држави, а во насока на надминување на заедничките предизвици и обезбедување подобри социо – економски услови на жителите во пограничниот регион.
Говорниците потврдија дека се подготвени одличната соработка да ја негуваат и продлабочат во периодот што претстои
