На 4 Јули 2024 година, Министерот за европски прашања Орхан Муртезани оствари средба со Постојаниот координатор на Обединетите нации во Северна Македонија Росана Дуџаку.
Во фокусот на дискусијата беше статусот на евронтегративните процеси на Северна Македонија, како и активностите на УН агенциите во Северна Македонија и можностите за унапредување и продлабочување на соработката во насока на поддршка на реформските приоритети на земјата.
Министерот Муртезани се осврна на одличната соработка со агенциите на ОН, пред се интензивната соработка со УНОПС во спроведувањето на Нордиската иницијатива, со UN Women кои се активни во спроведување на голем број значајни иницијативи и проекти во Северна Македонија.
Министерот Муртезани и Постојаниот координатор на Обединетите нации во Северна Македонија Росана Дуџаку се заложија за продолжување и продлабочување на партнерската соработка во периодот што претстои.
