Согласно Програмата на Одделението за образование при локалната самоуправа, Општина Карпош традиционално и годинава обезбеди финансиски средства за доделување на осуммесечни стипендии за талентирани ученици, кои учат во основните училишта на територија на општината за учебната 2024/2025 година. Висината на стипендијата ќе изнесува 3.500 денари месечно за Прва категорија, односно 3.000 денари месечно за Втора категорија.
- Услови за доделување стипендија
– Да се жители на oпштина Кaрпош;
– Да се редовни ученици во VIII или IХ одделение во основните училишта на
територија на Општина Карпош;
– Да имаат освоено I, II или III место на акредитирани натпревари;
– Да оствариле континуиран одличен успех во текот на школувањето од VI –VIII,
односно VII – IХ одделение.
Огласот за доделување стипендии за телентирани ученици за учебната 2024/2025 година, ќе се објави на веб страницата на Општина Карпош, и во два дневни весника, од кои во еден од весниците што се издаваат на македонски јазик и во еден од весниците што се издаваат на јазикот што го зборуваат најмалку 20% од граѓаните кои зборуваат службен јазик различен од македонскиот е весникот.
- Критериуми за доделување стипендија
Право на разгледување имаат само дипломи за освоено I, II или III место од здруженија, организации, друштва, асоцијации акредитирани од Министерство за образование и наука од областа на науката, литературата, техниката, културата и уметноста од VI до VIII за редовни ученици во 8 одделение, односно од VII до IX одделение за редовни ученици во 9 одделение:
– I место на општински натпревар (0.5 бода);
– I, II или III место на регионален натпревар (3 бода,2 бода,1 бода);
– I, II или III место на државен натпревар (8 бода, 6 бода, 4 бода);
– I, II или III место на меѓународен натпревар (15 бода, 12 бода, 10 бода);
-Златен, сребрен или бронзен медал на меѓународен натпревар (15 бода, 12 бода, 10 бода).
Линк за акредитации од МОН: https://mon.gov.mk/content/?id=8626
* Освоените места на групни натпревари нема да бидат бодувани.
* Натпревари кои се спроведени по електронски пат не се бодуваат.
* Под меѓународен натпревар се подразбира натпревар во кој учествуваат ученици од најмалку 5 (пет) различни држави, на кој се споредуваат знаењата помеѓу учениците од различни држави и се врши рангирање на најдобрите ученици. Во прилог доказ/потврда од организаторот на натпреварот за бројот на државите-учесници.
- Потребни документи:
Со барањето, учесниците на Oгласот треба да достават:
-Документ/доказ дека живее во Општина Карпош (копија од лична карта од
родител/старател);
– Потврда од училиштето дека е редовен ученик во VIII односно IХ одделение во
учебната 2024/2025 година;
– Кратка биографија на ученикот (CV);
– Фотокопии од сведителства како доказ за континуиран одличен успех;
– Фотокопии од дипломи од освоени места на натпреварите;
– Препорака од класен раководител/ предметен наставник;
- Висина на стипендија и рангирање
Висината на стипендијата изнесува:
- за втора категорија 3.000,00 денари месечно за освоени од 8 до 15 бода
- за прва категорија 3.500,00 денари месечно за освоени од 16 и повеќе бода
Стипендиите се доделуваат за осум месеци во текот на учебната 2024/2025 година.
- Начин на пријавување
Документите се доставуваат во затворен плик во Архивата на Општина Карпош или по пошта на ул. Радика бр. 9 ,Скопје, со назнака „За доделување стипендии на талентирани ученици од основните училишта на територија на Општина Карпош за учебната 2024/2025 година “.
- Рок за поднесување на документи
Крајниот рок за поднесување на документите по Огласот е заклучно со 13.09.2024 година. Документите на кандидатите кои не се комплетни и не се навремено доставени нема да бидат разгледувани.
Погледнете го целиот оглас на овој линк ОГЛАС.
Извор: Општина Карпош
