На маргините на официјалната посета на Република Косово, министерот за правда Игор Филков оствари средба со претседателот на Судскиот совет на Косово, Алберт Зогај.
На средбата се дискутираше за поставеноста и состојбите на судството во двете земји, како и за идните реформи.
И двете страни искажаа подготвеност за соработка за размена на искуства и нејзино продлабочување.
На крајот од средбата, двете страни ја истакнаа важноста и неопходноста од зачувување на независноста на судскиот систем и унапредување на правната рамка на двете земји, со прифаќање на европските стандарди.
Извор: Министерство за правда
