Општина Бутел не запира кога се работи за доброто и потребите на граѓаните на општината.
Започнува вистинска градежна офанзива во населба Радишани. Денес започна реконструкцијата на улицата 1558, а наскоро започнува реконструкција и на улиците “Симче Настевски”, “Киро Димушков” и “Боро Кралевски” со нејзините краци.
Ова се главните сообраќајници во населба Радишани.Покрај тоа, започнува изградбата на мега-паркот и плоштад на потегот над улицата 1558 на површина од 10.000 м2.
Улицата “1558” има површина од 4281 квадратни метри и должина од 658 метри.
Повеќе од 40 години оваа сообраќајница никој не ја реконструирал, што е евидентно од состојбата во која се наоѓа.
Граѓаните му ја дадоа довербата на градоначалникот Дарко Костовски и тој продолжува да работи во нивен интерес.
Ова е уште една потврда на ветеното и уште еден чекор кон обнова и подобрување на патната инфраструктура на општина Бутел.
Проектот се реализира во соработка со Министерството за транспорт и врски.
Градоначалникот изрази благодарност до министерот Александар Николовски за одличната соработка.
Оваа година ќе биде година на најголемата градежна офанзива во општина Бутел.
Извор: Општина Бутел
