Средба на градоначалникот Бобан Стефковски со Бохдан Кобилијански, градоначалник на Град Хороденка од Украина.
Во посета на Oпштина Гази Баба беше делегација на украинскиот град Хороденка, предводена од градоначалникот Бохдан Кобилјански.
На средбата се разговараше за улогата на локалната самоуправа во планирањето, развојот и испораката на социјални услуги во Република Македонија.
Гостите беа информирани и за функционирањето на локалната самоуправа, како и за организациската поставеност на општинската администрација со посебен акцент на начинот на реализација на програмата за социјалната заштита.
Оваа посета беше во организација на СОС Детското село од Украина и СОС Детското село од Македонија.
Извор: Општина Гази Баба
