Mинистерот за здравство Азир Алиу оствари средба со раководството на Лекарската комора, предводено од проф. д-р Калина Гривчева – Старделова.
Министерот Алиу изрази подготвеност и отвореност за продлабочување на соработката со Комората, со цел подобрување на здравствениот систем.
Една од темите беше и обуки на медицинскиот кадар преку иновативни алатки, преку изготвување национална програма за обуки во соработка со СЗО.
На средбата се дискутираше за реалните предизвици и за можните решенија – водени од заедничката цел: квалитетна и достапна здравствена заштита за сите граѓани.
Продолжуваме со конструктивен дијалог и конкретни чекори. Пациентите остануваат во фокусот на сите наши политики и одлуки.
Извор: Министерство за здравство
