Општина Велес ќе ја исплати еднократната парична поддршка за сите запишани првачиња во учебната 2025/2026. На сметките на родителите односно старателите на децата, по тој основ, ќе бидат исплатени вкупно 1.363.320 денари.
По завршувањето на изборниот процес и прибирањето на податоците од сите училишта завршена е и административната проверка и обработка со што започнува исплатата на еднократната парична помош во износ од 3.000 денари за секое прваче.Општина Велес продолжува посветено да инвестира во иднината на градот.
Извор: Општина Велес
